Qutty Band: нені өлшейді және не істей алады

Қысқаша

Бағасы

67 000 ₸ · Kaspi 0-0-12 бөліп төлеу — 5 584 ₸/ай

Жазылым

Қажет емес: қосымшаның барлық функциялары білезік бағасына кіреді

Экран

Жоқ — деректер, бағалаулар мен кеңестер қосымшада

Батарея

Зарядтаусыз 20 күнге дейін; нақты жұмыс уақыты баптаулар мен пайдалану режиміне байланысты

Зарядтау

Магниттік

Қорғаныс

Ылғал мен шаңнан IP68 қорғанысы: тер, жаңбыр, қол жуу. Су өткізбейтін құрылғы емес — толығырақ

Үйлесімділік

iOS 18.5 және одан жаңа нұсқасы бар iPhone; Android жүйесіндегі смартфондар

Қосылу

Bluetooth арқылы, баптау 2–3 минут алады

Қосымша тілдері

Қазақ, орыс, ағылшын, өзбек, қырғыз

Кепілдік және қайтару

12 ай кепілдік, 14 күн ішінде қайтару — оферта бойынша

Жеткізу

Қазақстан бойынша тегін, 1–3 күн; Алматы мен Астанада көбіне тапсырыс берген күні немесе келесі күні

Деректер қайда сақталады

Негізгі дерекқор — Қазақстандағы қорғалған серверлерде; фотоны тану, SMS және хабарландыруларды үшінші тарап сервистері, соның ішінде шетелдегі сервистер атқарады — толығырақ құпиялылық саясатында

Білезік нені өлшейді

• Күндізгі және түнгі пульс, тыныштықтағы пульс
• Түнгі жүрек ырғағының вариабельділігі (HRV) — қалпына келуді бағалаудың негізі
• Ұйқы: ұйықтап кету және ояну, ұйқы фазалары — терең, жылдам (REM), жеңіл ұйқы, оянулар; күндізгі ұйқы
• Қандағы оттегі (SpO₂)
• Күн бойындағы стресс
• Қадамдар мен белсенділік
• Қан қысымы — бағдар ретінде: білектегі оптикалық датчик манжеталы тонометрдің орнын баспайды

Қосымша нені есептейді және түсіндіреді

• Q-Sleep — ұйқы сапасы пайызбен: ұзақтығы сіздің қажеттілігіңізбен салыстырғанда, ұйқы жетіспеушілігі, терең және жылдам ұйқының үлесі.
• Q-Ready — жүктемеге дайындық, 0-ден 100-ге дейін: түнгі HRV мен тыныштықтағы пульс сіздің жеке нормаңызбен салыстырылады, ұйқы мен алдыңғы күнгі жүктеме де ескеріледі. Күн сайын таңертең — күн жоспары: жүктемені арттыру, қарқынды сақтау немесе қалпына келу, әрі мұның себебі де түсіндіріледі.
• Q-Load — күннің жүктемесі, 0-ден 10-ға дейін, пульс пен жаттығулар бойынша есептеледі.
• Денсаулық мониторингі: 7 және 28 күндік тыныштықтағы пульс, HRV және SpO₂, сағат сайынғы стресс, HRV бойынша биологиялық жас және VO₂max бағалауы.
• Тамақтану: тағамды фото, мәтін немесе штрихкод арқылы енгізесіз — калория, ақуыз, май және көмірсу автоматты түрде есептеледі; су; күн бойындағы тамақтануды бағалау және оның дайындыққа әсері.
• Жаттығулар: жаттығулар мен тәсілдер күнделігі, жеке рекордтар, телефон GPS-і арқылы жазылатын жүгіру немесе серуен маршруты.
• Қан талдаулары: бланктің фотосы немесе PDF файлы — қосымша көрсеткіштерді таниды, қайсысы қалыпты екенін белгілейді және оларды ұйқымен әрі қалпына келумен байланыстырады. Анықтамалық ақпарат, диагноз емес.
• Әйел денсаулығы: цикл күнтізбесі, фазалар, симптомдар мен көңіл-күй, цикл фазасына сай кеңестер.
• Ойын: күнделікті және апталық тапсырмалар, XP және деңгейлер, сериялар, марапаттар және сізбен бірге өсетін кейіпкер. 2-деңгейден бастап көрсеткіштер төмендесе, XP шегеріледі.
• Шолулар: жоспары бар апталық дайджест және ай қорытындысы.
• «Жақындар»: таңдаған деректеріңізді туыстарыңызбен немесе жаттықтырушыңызбен бөлісіңіз; қолжетімділікті кез келген сәтте тоқтата аласыз (алушының да Qutty аккаунты болуы керек).
• Apple Health: iPhone-да синхрондау.

Бағалаулар қалай есептеледі

• Орташа көрсеткіш емес, сіздің нормаңыз. HRV мен тыныштықтағы пульс «бәріне ортақ» нормамен емес, өз түндеріңіздің медианасымен салыстырылады (кемінде жеті түн керек). Түндер әлі аз болса, қосымша алғашқы түн бойынша жасалған калибрлеуге сүйенеді.
• Дерек жоқ — сан да жоқ. Егер білезік түнгі пульс пен HRV-ны жазбаса, қосымша нөлді немесе «орташа» дайындықты көрсетпейді, деректің жоқ екенін ашық айтады. Тек ұйқы жазылған болса, «бағалау» белгісі бар көрсеткіш шығады — ол 74-тен аспайды, яғни ешқашан «жоғары» болмайды.
• Қысқа түн жақсы түн ретінде көрсетілмейді. Егер 4 сағаттан аз ұйқы жазылса — көбіне бұл білезіктің түнде шешіліп қалғанын білдіреді, — күнге берілетін кеңес «қалыпты» дайындықтан жоғары көтерілмейді.
• Таңғы бағалау секірмейді. Ол түн аяқталғанда бекітіледі және әр синхрондау сайын өзгермейді.
• Зерттеулерге сүйенеміз. Модельдер ұйқы, жүрек ырғағының вариабельділігі және жаттығу жүктемесі туралы жарияланған зерттеулерге сүйенеді; HRV бойынша биологиялық жас Lifelines когортасының популяциялық нормалары бойынша есептеледі.

Жиынтық

• Датчиктері бар білезік корпусы
• Нейлон бау
• Силикон бау
• Магниттік зарядтағыш

Қораптағы екі бау да қара түсті. Түрлі түсті баулар бөлек сатылады — 7 990 ₸.

Су, татуировка және кепілдік

Білезік ылғал мен шаңнан қорғалған, бірақ су өткізбейтін құрылғы емес. Ол терге, жаңбырға және қол жууға төзуге арналған.

• Білезікті душқа және ваннаға алмаңыз
• Онымен бассейнде және ашық су айдындарында жүзбеңіз
• Моншада, саунада және басқа да ыстық әрі ылғалды бөлмелерде білезікті шешіп қойыңыз
• Білезікті суға батырмаңыз

Датчиктер татуировкасыз теріге тікелей тиіп тұруы керек. Білегіңізде татуировка болса, білезікті одан бос жерге тағыңыз — әйтпесе деректер толық емес немесе дәл емес болуы мүмкін.

12 ай кепілдік судан болған зақымдарды және механикалық зақымдарды қамтымайды: корпустағы жарықтар мен кетіктер, корпустың артқы бөлігінің зақымдалуы, соққы мен құлаудың іздері. Толық шарттары — офертаның 12-бөлімінде.

Білезік не істемейді

• Экраны жоқ: уақыт пен деректерді қосымшадан қараңыз.
• Кіріктірілген GPS жоқ: жаттығу маршрутын телефон жазады.
• iPhone үшін iOS 18.5 немесе одан жаңа нұсқа қажет.
• Бұл медициналық бұйым емес: көрсеткіштер мен бағалаулар анықтамалық сипатта және дәрігердің орнын баспайды. Қан қысымы — бағдар ғана, тонометрді алмастырмайды.

Жиі қойылатын сұрақтар